Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

"Нуныкай" центр занятиоссэ выль площадкаын радъя

Нуныкай 11 февраля

Кык кылэз тодӥсь пиналъёс понна пумиськонъёс табере Кузёбай Герд нимо удмурт кун йӧскалык гимназиын радъясько. Туннэ «Нуныкай» центрлэн ужаз 2-ысен 4 аресозь 10 пинал пыриськиз, 5-ысен 8 аресозь – 14 пинал. Котькуд огинлыкын быдэн 3 урок ортчиз: вераськонэз волятонъя, киужъя но крезьгуръя. Покчи нылпиос анай-атайёсынызы 15 минут ӵоже ужазы, бадӟымъёсыз – 30 минут.

Занятиос йылпумъяськем бере «Билингва» ӵектосысь ӧнерчиос анай-атайёсын нимысьтыз кенешизы. Нылпиен семья куспын анай кылын вераськонлэсь кулэлыксэ пусйизы. Шумпотымон, анай кылзэс утён сярысь сюлмаськисьёслэн лыдзы йылэ. Тросгес но тросгес анай-атайёс «Нуныкай» центрлэн ужаз пыриськыны мылкыд каро, ужрадъёсты дасяны юрттыны дась луэмзэс верало.

Вуоно арняысен центрамы театръя но эктонъя кружокъёс усьтӥсько. Отчы витиськом 5-сен 9 аресозь пиналъёсты.