Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

ИворъёсRSS

шундыкар
«Шундыкар» лагерь матысь двре усьтӥськоз

22-тӥ гудырикошконэ ӧсъёссэ усьтэ пинал усточиослэн «Шундыкар» лагерьзы. Со егитъёслэн «Ёлочка» лагерязы 31-тӥ гудырикошконозь ужалоз.

Удмурт егитъёслэн «Шунды» огазеяськонзылэн ӵектосэз удмурт киужъёсты, фольклорез но туала удмурт творчествоез дышетон пыр удмурт кылэз но лулчеберетэз вӧлмытыны ужпум пуктэ. Солэн кулэлыкез но пайдалыкез туж умой адӟиське: тросэз удмурт кылбурчиос но гожъясьёс, артистъёс но суредасьёс, журналистъёс но политикъёс, чеберлыко киужъёсъя усточиос но дышетӥсьёс «Шундыкар» лагерь пыр потӥзы. Туннэ соос туала удмурт лулчеберетэз но мерлыкез азинтӥсьёс луо.

Таяз арын «Шундыкарын» быгатонлыкъёссэс волятыны, тодон-валанъёссэс муромытыны быгатозы Удмурт Элькунысь 100 но бускель улосъёсысь 20 кузя удмурт нылпиос.

Дышетон мыноз 9 ӧръёсъя: литература, эстрада, журналистика, суредаськон, диськут дизайн, фольклор, видеоискусство, театр, фотоискусство.

Ӵужанай доры сюрес
"Ӵужанай доры сюрес" конкурслы йылпумъянъёс

«Ӵужанай (песянай) доры сюрес» нимо литературая интернет-вожвылъяськонлы йылпумъянъёс лэсьтӥськом. Ужрад кыстӥськиз 29-тӥ пӧсьтолэзёзь. Конкурсэз радъяз «Билингва. О практиках формирования двуязычия в современной городской среде» ӵектос, «Удмурт нылкышно кенеш» огазеяськон, азьмурт грантъёсъя Фондлэн но йӧскалык политикая министерстволэн юрттэмзы улсын.

Жюри бадӟым саклык висъяз вожвылъяськонэ пыриськись пиналлэсь аресэзлы тупась быдэстэм ужзэ. Озьы быръемын вал вормисьёс:

«Устоез выжыкыл» номинация – Полина Кузнецова;

«Устоез верос» номинация – Оксана Петухова;

«Устоез кылбур» номинация – Настя Воронцова.

Ужъёс пӧлын вань нимаз кузьымъёсын пусъемъёсыз но.

Устичикар 2018
Башкортостанын "Усточикар" лагерь ужаны кутскиз

2-тӥ гудырикошконэ сӥё-дано усьтӥськиз удмурт нылпиос понна «Усточикар» лагерь смена.

16-тӥез смена Башкортостан, Татарстан но Удмурт элькунъёсысь сю пала быгатӥсь таланто нылпиосты огазеяз. Лагерь усьтӥськон нуналэ ик пиналъёс пӧртэм ӧръёсъя дышетскыны ӧдъязы: эстрада, фольклор, театр, удмурт дӥсья дизайн, журналистика, кызьпу туен ужан. Нылпиосын ужало Башкортостан, Удмурт Элькунъёсысь но Пермь улосвылысь ӧнерчиос но кибашлыос.

Дорога к бабушке
"Ӵужанай доры сюрес" конкурслы огъянъёс

29-тӥ пӧсьтолэзе «Ӵужанай (песянай) доры сюрес» нимо литературая интернет-вожвылъяськон йылпумъяськиз. Конкурсэз радъяло «Билингва. О практиках формирования двуязычия в современной городской среде» ӵектос, «Удмурт нылкышно кенеш» огазеяськон, азьмурт грантъёсъя Фондлэн но йӧскалык политикая министерстволэн юрттэмзы улсын. Ужъёс кутӥськизы 28-тӥ пӧсьтолэзёзь «ВКонтакте» сайтысь «Удмурт нылкышно кенеш» огинлык пыр.

Нырысь-валысь йылпумъянъёс: жюри кие 17 уж вуиз, пӧртэм жанръёсъя — выжыкыл, верос, кылбур. Вожвылъяськонэ пыриськисьёслэн арлыдзы 3 но ӝыны аресысен 12-озь. 16 уж вуиз Удмурт Элькунысь, одӥгез – Татарстанысь, тросэз ужъёс быдэстэмын Ижкарысь нылпиосын.

Конкурсэ ыстэм ужъёсын тодматскыны луоз «ВКонтакте» сайтысь «Удмурт нылкышно кенеш» (https://vk.com/udmurtnylkyshno) но «Билингва» (https://vk.com/bilingvaudm) огинлыкъёсысь. Озьы ик вань луонлык бырйыны кельшымон ужез но сётыны со понна куара – лайк пуктыса.

шундыкар
«Шундыкар — 2018» лагере мыныны мылкыд карисьёс понна конкурс ортчиз

29 пӧсьтолэзе "Шундыкар" лагере мынон понна вожвылъяькон йылпумъяськиз. Со 22-тӥ — 31-тӥ гудырикошконэ «Ёлочка» лагерьын радъямын луоз. Татын 5-тӥ — 11-тӥ классъёын шор ёзо школаосысь удмурт нылпиосты но шор дышетсконниосысь 18 аресозь удмурт егитъёсты возьмало.

Лагерез Удмурт егитъёслэн "Шунды" мерлыко огазеяськонзы радъя.