Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

Билингвизм сярысь

Билингвизм (кыккылолык > латин bi- ‘кык’ + lingua ‘кыл’) —

  1. Кык пöртэм кылъёсты кулээзъя уже кутыны быгатон (У. Вайнрайх).

  2. Аслэсьтыд малпанъёстэ / мылкыдъёстэ кык пöртэм кылъёсын усьтыны быгатон.

  3. Кык пöртэм кылъёсты огкадь усто тодон но кулэ дыръя кыкеныз но вераськыны / гожъяськыны быгатон (О. С. Ахманова).


Кыккылолыклэн тодослыко инъетэз


Мар со сыӵе акцент? Кулэ-а солэсь кышканы но возьдаськыны кыккылолыко муртъёслы? Г. М. Вишневскаялэн статьяез сӥземын пӧртэм типъем кыккылолыкез дышетонлы но вераськонысь акцентэн кылдэм юанъёсыз эскеронлы.


Кызьы кыккыло дышетон программаос кунгож сьӧрысь школаосын ужало? Кыӵе кылын мынэ дышетон покчи но шор звеноосын? Та юанъёслы валэктонъёс шедьтыны луоз Н. А. Забелиналэн статьяысьтыз, кудаз пӧртэм синмын эскеремын кыккылолык но солэн классификациез, Россиысь но кунгож сьӧрысь школаосы пыӵамзы.


Туала тодослыко литератураын нылпи кыккылолыкез пиналлэн азинскеменыз герӟаса эскеро, умой но урод палъёссэ шедьтыны тыршыса.


Кудзэ кылэз кыккылолыко луон дыръя анай кылын лыдъяно? Мар пӧртэмлыкез анай кыллы но кыкетӥ кыллы дышонын? Таӵе но мукет юанъёслы валэктон шедьтыны луоз Г. Н. Чиршевалэн статьяысьтыз. Таиз уж сӥземын анай кылэз висъян критерийёслы.


А. Г. Ширинлэн статьяяз кыккылолык аспӧртэмлыко тросаспектъем феномен кадь эскериське. Автор кык кылъёслэсь огшоры яке искусственной югдурын ӵошен улэмзэс, азинскемзэс пусъе. Та ужын озьы ик кыккылолыклы пӧртэм пумо классификациос дэмламын.


Кыккылолыклэн нейропсихологи тодметъёсыз


Кызьы нуныослэн но пичи нылпиослэн кылзӥськон но вераськон аппаратсы кылдэ? Быгато-а вож нуныос висъяны вордскемзылэсь азьло кылылэм веранъёсты? Та статьяысь шедьтыны луоз валэктон таӵе юанъёслы но психолингвистикая мукет юанъёслы.


Статьяын эскеремын туала телекоммуникациослэн йырвиымен но вераськонэн герӟаськемзы огшоры но искусственной кыккылолык дыръя.


Нылпи кылолык


Та статьяысь тросэз анай-атайёс шугъяськытӥсь юанъёссылы валэктон шедьтыны быгатозы: а) кӧня арескысен кыккыло нылпиос кылъёсты сурамысь дугдо но валаса одӥг кылысь мукет кылэ выжылыны кутско; б) кыӵе психологи югдуръёсын герӟаськемын кыккылолыклэн кылдэмез?


Семьяын, кудаз анай нылпиеныз анай кылыныз вераське, нылпи троссэ басьтэ нэнэлэсь вераськоназ но огъя азинсконаз. Нош кыӵе инты басьтэ атай вераськон быгатонлыклэн азинсконаз? Та выллем юанъёслы валэктонъёс шедьтыны луоз П. В. Коровушкинлэн статьяысьтыз.


Анай кыл пыр нылпи котырысь улонэн тодматске, озьы радъяське солэн когнитивной базаез: анай-атайёс пӧртэм арбериосты висъяса нимало, дэмлало ас дунъетъёссэс котырысь ужрадъёслы, ваземлы пумит вераны дышето. Нош кызьы нылпиослэсь кылъя быгатонлыкъёссэс азинтоно? Та сярысь тодыны луоз Е. Протасовалэн статьяысьтыз.


Кызьы пусъе И. В. Соколова, кыккыло нылпиослэн куд-ог быгатонлыкъёссы исполнительской контролен герӟаськемын. Озьы нимамын нылпилэн пӧртэм югдуръёсын ассэ воземзэ дунъяны быгатэмез. Маин бен пӧртэм луо кыккыло нылпиос?


Та статьяын покчи кыккылолыклэн умой палъёсыз пусъемын, валэктэмын, маин пӧртэм луэ арлыдо адямилэн кыкетӥ кылэз дышетэменыз. Озьы ик шедьтыны луоз йырвиымлэсь ужзэ радъянъя куд-ог дидактической дэмланъёсты.


Статьяын кыккылолык но нылпилэн вераськон быгатонлыкезлэн азинскемезлэн кусыпъёссы сэрттэмын-пертчемын. Эскеремын таза нылпиослэн но вераськоназы шекъёсын пиналъёслэн анай кылзэс дышетэмзы. Пусъемын тужгес но ӵем пумиськылӥсь шуг-секытъёс.


Ӵемысь, кыккыло нылпиез дышетыку, анай – одӥг кыл, атай – кыкетӥ кыл принципез уже куто. Нош кызьы меда кылшыкыссы узырме со нылпиослэн, кудъёсыз вордскемысенызы ик кык кылэз дышето – ӟуч но англи? Экспериментэзлэн йылпумъянъёсыныз тодматэ Г. Н. Чиршева.


Статьяын вераськон мынэ нылпиослэн кыккылолыксылэн пӧртэм вариантъёсыз сярысь. Кудӥз соос пӧлысь пайдаёгес луэ? Та юанлы ответ шедьтыны луоз статьяез лыдӟыса


Психолог Эллен Биалисток та статьяын пыр-поч эскере кыкыллыклэсь когнитивной пайдалыксэ, чакла, кызьы та быгатонлык Альцгеймер висёнлэсь уте но мукет юанъёслы ответ сётэ.


Пӧртэм арлыдъем нылпиослэн кыкылолыксылэн азинскемез


Кызьы кыккылолык пӧртэм арлыдъем нылпиослэн азинске? Кызьы кыккыллыко нылпи гожъяськыны дышетске? Ку нылпилэн вераськонэз бере кыле? Та но мукет юанъёслы ответ педагогика тодосъёсъя доктор Екатерина Протасова сётэ.

Видео


Екатерина Львовна Кудрявцева, кыккылолыкъя валтӥсь эксперт, "Инновационные технологии в сфере поликультурного образования" калыккуспо сетевой лабораториослэн научной кивалтӥсез пыр-поч вераса потӥз кыккылолыко нылпиез будэтон сярысь.

Статья кутэмын: РИА Иворъёс. Дышетон