Логотип БилингваБилингваБилингвизмъя удмурт центр

Телефон: (8 3412) 687-798

E-mail: udmbilingva@yandex.ru
Герӟет тодэтъёс

Трос тодэм нянь уг куры
Ӟеч кидыслэн тысез но ӟеч
Огкылысь улон шулдыр
Тодонлы пуйы кулэ öвöл
Нылпилэн шудэз - анай-атайлэн шудэз
Атаезлэн кылыз чурыт, коркаез шуныт

ИворъёсRSS

Ӵошен

14 инвожое "Известия Удмуртской Республики" газетын Людмила Моисеевалэн "Вералэн кылыз" статьяез печатламын. Статьяын "Билингва. О практиках формирования двуязычия в современной городской среде" проектлэн азинскемез сярысь вераськон мынэ. Проект 2017-тӥ арысен Азьмуртлэн грантъёсъя фондэныз юрттэмез улсын азинске.

12 июня

12 инвожое Ижкар "Герберын" "Билингва" ӵектослэн площадкаез ужаз. Шулдыръяськонэ вуэм нылпиос понна горд сюйен ужанъя, калык шудонъя но эктонъя, кылэз волятонъя мастер-классъёс ортчытэмын вал. Мастер-классъёсы 60-лэсь ятыр нылпиос пыриськизы. Котькуд нылпи "Билингва" ӵектослэсь кузьым басьтыса кошкиз.

Нуныкай 4

Ижкар Герберын нылпиос понна удмурт лулчеберетъя мастер-классъёс радъяськозы

12-тӥ инвожое – Карлэн нуналаз, Россилэн нуналаз – Ижкарысь Кызьпу Арамаын ортчоз Гербер шулдыръяськон. Ужрадлэн огез площадкаез быдэсак сӥземын луоз пиналъёслы – «Нуныкай» огъетысь ӧнерчиос удмурт лулчеберетъя мастер-классъёсы ӧтё.

Тодады вайытом, «Нуныкай» огъет удмурт нылпиос понна дышетсконъёс радъя «Удмурт Кенеш» огазеяськонлэн «Билингва. О практиках формирования двуязычия в современной городской среде» ӵектосэз улсын. Проект миым азьмурт грантъёсъя Фондэн ялэм вожвылъяськонын вормисе потӥз.

Ӟеч сямъя «Удмурт кенеш» котькуд Ижкар Гербер шулдыръяськонын нимысьтыз азбар усьтэ. Отысь ик «Нуныкай» центрысь дышетӥсьёсты пумитаны луоз.

«Нуныкайлэн» площадкаез ужаны кутскоз 12 час но 30 минутысен

Ӟечбур

"Ӟечбур!" нылпи газет гожтӥськисьёс пӧлын лотерея ортчытэ.

Трос нылпиё семьяос кык яке ятыргес газетлы гожтӥськизы ке, ӝӧк выл шудонъёс (куинь мурт) утозы. Бигеръёслэсь адӟем кароно ке, асьсэ кылын потӥсь газетсылы соос, семьяязы кӧня мурт лыдъяське, сомында ик гожтӥсько. «Мынам ньыль нылпиосы ук. Ваньзы мед лыдœозы», – сыӵе дыръя шуэ бигер семьялэн кузёез.

Волонтёръёс пӧлын,кинъёс газетмылы кыкетӥ паларлы витьлэсь трос адямиез гожтӥськытозы, соос Удмурт йӧскалык театре дунтэк ветлыны быгатозы.

Нимаз гожтӥськемъёс Ижкарысь «САКТОН» фабрикалэсь висъям дӥськутъёссэ утозы (ньыль мурт).

Вазиськемдэс возьмалом 30-тӥ инвожоозь. Шудпуйыос тодмо луозы 5-тӥ пӧсьтолэзе потоно номерамы.

семинар 16

Кык кылолыкъя семинар нош ортчиз 2-тӥ инвожое Калыкъёслэн Эшъяськон юртазы. Анай-атайёс кыл кусыпъёсын герӟаськем ужпумъёсты эскеризы, нош нылпиос понна удмурт кылын шулдыръяськон-праздник радъямын вал. Семинарлэн модераторъёссы – психолог Ольга Смирнова но педагоги тодосъёсъя доктор, профессор Ирина Ворожцова – ӵектӥзы таяз радэ семья куспын кыл герӟетъёс пумысен кенешыны. Ужрад ортчиз вераськонъя шудон амалэн.

Семинар мынон вакытэ «Нуныкай» центрысь ӧнерчиос пиналъёс понна дышетонъя но шудонъя площадка радъязы. Нош ужрадлэн кыкетӥ люкетаз – бадӟымъёс но пиналъёс но – нылпиосты утён Нуналлы сӥзем праздник пусъёнэ пыриськизы. Тодмо выжыкылъёсысь геройёс пӧртэм вожвылъяськонъёс ортчытӥзы, удмурт эктонъёсты но шудонъёсты дышетӥзы. «Нуныкай» центр улсын ужась театръя студие ветлись покчиос «Репка» выжыкылэз пуктӥзы: удмурт кылын, туала шӧмын.

Праздникын озьы ик конкурсъёсын вормисьёсты данъязы – «Вить дуно кылъёс" но «Билингва-TV». Вожвылъяськонэ пыриськись котькуд пинал сертификатэн пусъемын вал, тужгес устоосыз «Билингва» ӵектослэсь но Элькунысь йӧскалык политикая министерстволэсь нимысьтыз кузьымъёс утӥзы.

Ми сярысь

Билингвизмъя (кыккылолыкъя) "БИЛИНГВА" удмурт центр – со проект, кудзэ азинтыны юрттыны быгатэ котькудӥз, кин кыккылолыкен тунсыкъяське но нылпизэ пӧртэм кылъёсын вераськытыны мылкыд каре.

Проектэз азинтон улсын кылдытэмын сайт, кудӥлэн бамысьтыз шедьтыны быгатоды:

  • нылпиослэн кыккылолыксы сярысь теория но практикая тунсыко луись юанъёслы валэктонъёсты;
  • билингвология удысысь валтӥсь тодосчиослэсь ужъёссэс;
  • пичи нылпиослэсь вераськон быгатонлыкъёссэс азинтонын уже кутыны луоно удмурт кылын материалъёсты (шудонъёсты, йырвизез сынась ужъёсты, мадиськонъёсты, выжыкылъёсты, занятиослы амалтодослыко юрттэтъёсты но мукет);
  • анай-атайёслы но дышетӥсьёслы чаклам "ЮАН-ВЕРАН" ёзэтэз.

Билингвизмъя (кыккылолыкъя) "БИЛИНГВА" удмурт центрлэсь ужзэ азинтон улсын озьы ик удмурт кылын вераськись анай-атайёс но соослэн нылпиоссы (нылпи садэ яке 1–2-тӥ классэ ветлӥсьёсыз) понна кыккылолыкъя семинаръёс радъясько.

Проект «Россиын улӥсь калыкъёслэсь кусыпъёссэс юнматон но лулчеберетсэс азинтон (2014–2020-тӥ аръёс)» нимысьтыз ужась федерал кун программаез но «Йӧскалыкъёслэсь кусыпъёссэс юнматон но мерлыко улонзэс азинтон» Удмурт Элькунысь кун программаез быдэстон улсын кылдытэмын но азинтӥське.

2017-тӥ аре 1-тӥ толсуре ӵектос выльдӥскиз но "Билингва. О практиках формирования двуязычия в современной городской среде" проект улсын ужаны кутскиз. Проект азинске Азьмурт грантъёсъя Фондлэн но Удмурт Элькунысь йӧскалык политикая министерстволэн юрттэмзыя.

Удмурт-ӟуч кыккылолыкез кылдытонын азинсконъёссы сярысь вераны дышетӥсьёсты но нылпи садын ужасьёсты, тодосчиосты, анай-атайёсты но вань мылкыд карисьёсты ӵош ужаны ӧтиськом.